ذئاب الجبل ( عودة البدري)

بالضربه اللي خدها من علوان.... 
يقرب المنقذ اللي كان متخفي ويقوله.... 
اني عزوز ياعربي..... 
يرد العربي.... 
عزوووز.... عزوز مين.... 
ويبدأ يفك عزوز في العربي ويقوله..... 
بس اخلصك الاول من اللي انت فيه ده وعقولك اني مين..... 
ويفك عزوز العربي ويسنده علي كتفه وياخده ويطلع من البيت.... 

..................... 
المشهد.... نفس البيت... 
يفوق الاتنين الرجاله وهم ماسكين دماغتهم ويبصو حوااليهم ميلاقوش العربي..... 
يقوم واحد منهم وهو بيجري... 
يامصيبتنا السوده.... 
علوان عيخلص علينا.... 
العربي هرب.... العربي هرب
.......... 

المشهد.... دار علوان.... 
الباب يخبط والشغاله تفتح الباب... 
راجل من رجالة علوان يطلب منها تبلغ علوان انه عاوز يقابله ضرورى... 
تروح الشغاله وتخبط علي اوضة علوان وهو قاعد مع مراته علي السرير اللي واضح عليها انها قربت تولد..... 
تنادي الشغاله من بره وهي بتخبط..... 
ياسي علوان.... ياسي علوان.... 
يرد علوان من جوة.... 
فيه ايه يا وش الفقر انتي... 
ترد الشغاله.... 
فيه واحد عاوزك ياسي علوان.... 
علوان.... 
ومقالكيش عاوز ايه ده.... 
ترد الشغاله.... 
لاه.... مقالش.... يقوم علوان ويروح علي الباب ويفتح ويطلع ويبص يلاقي راجل من رجالته اللي كانو معاه في تنفيذ جريمته.... 
يبص علوان ووشه يجيب الوان ويبص يلاقي الشغاله واقفه وراه.... 
يقول.... 
واقفه ليه وراي زى العمل الردي.... 
غورى من اهنه..... 
وتجري الشغاله من قدامه.... 
يسحب علوان ايد الراجل من ايده وياخده في اوضه علي جمب ويقفل الباب.... 
يبص علوان ويقول.... 
ايه اللي جابك السعادي يابوز الاخص انت... 
مش اتفقت امعاكم... مشوفش وش حد منيكم واصل الايام دي.... 
مش قلتلكم الجو ملعبك.... 
يرد فواز.... 
مهو ڠصب عننا يا كبيرنا.... 
انا جاي اقولك خبر مهم.... 
يرد علوان.... 
خبر ايه ده اللي يجيبك في ساعه زى دى..... 
يرد فواز.... پخوف وتردد... 
ااالللل العربي.... العربي ياكبيرنا... 
يرد علوان.... 
العربي.... ماله العربي.... 
طلع من توربته اياك..... 
يرد فواز.... 
هو مدخلش توربته من اصله ياكبير..... 
يقرب علوان ويرد بتعجب.... 
مدخلش توربته.... 
ليه... عتخللوه اياك.... 
مستنيين ايه... 
يرد فواز..... 
العربي مماتش ياكبير..... 
علوان ېتصدم ويمسك في خلقات فواز ويقول.... 
انت عتخرف تقول ايه.... 
العربي مماتش..... 
يرد فواز.... 
ايوة واحنا واخدينه عشان ندفنوه لاقينا فيه الروح.... 
اخدناه علي الدار المهجورة وقولنا نبلغوك نعملو ايه....
يمسك علوان في خلقات فواز اكتر ويتخنق فواز في ايده وهو يكمل... 
ودى عاوزه كلام.... 
مكملتوش عليه انتو ودفنتوة وهو حي.... 
غور من قدامي دلقيت... 
واتخلصو منيه.... 
يرد فواز بتلعثم.... 
مهوووو... مهوووووو... 
يشده علوان اكتر.... 
مهو ايييييه. اونطق.... 
مهو هرب.... هرب ياكبير..... 
يطبق علوان في رقبة فواز وهو بيقول.... 
هرب.... هرب كيف..... دنا هدفنكم موطرحه... 
دنا هقطعكم نساير نساير وارميكم لديابة الجبل تنهش فيكم.... 
ويتخنق فواز في ايد علوان وخلاص روحه هتطلع.... 
ويرد علوان... 
اونطق قووول... هرب كيف.... 
يرد فواز وهو بيكح.... 
في واحد كان متلتم غافلنا وضربنا وفوقنا ملقيناش العربي..... 
يزق علوان فواز ويقع فواز علي الارض.... 
يبص علوان لفواز.... 
ومين اللي خلص العربي من يدي ده.... 
ميييين.... 
العربي دلقيت عيعرف ان اني اللي ورا العمله دى..... 
ويمسك علوان فواز من خلقاته تاني ويهدده.... 
عاوزكم تقبو وتغطسو وتعرفو مين اللي هرب العربي.... 
لو حكمت ادخلو كل بيت في هواره ودعبسو فيه.... 
وخلصوني من العربي قبل ما اخلص اني عليكم واخلي الدبان الاوزرق ما يعرفلكم طريق جره..... 
يرد فواز پخوف.... 
ااامرك ياكبير......... امرك.... 
بسيبو علوان من ايده... 
يلاااااا غووور..... 
ويجري فواز من قدام علوان.... 
ويقف علوان وعيونه بتطق شرار وبيردد... 
والله ومكتوبلك عمر جديد ياعربي...... 
لكن عتروح مني وييين... 
هتااااجي.... هتاجي.... 
............ 
..
مؤلف القصه
حماده فاروق هاشم... 
........................ 
المشهد.... دار عزوز..... 
عزوز بينضف چروح العربي وبيتكلم معاه.... 
ادى الحكايه ياعربي... 
من طقطق.... ل سلامو عليكو.... 
بس تفتكر ياعربي مين اللي عيعمل عمله زى دي...... 
يرد العربي.... 
مفيش غيره..... علوان..... 
اني هقطعو نساير نساير.... 
واشرب من دمه... 
وميقولوش عني العربي ود هريدي...... ويحاول العربي يقوم رغم اصابته ويمسك فيه عزوز.... 
علي وين.... علي وين ياعربي.... 
العربي.... 
هملني ياعزوز.... 
بيني وبين الكلب علوان حساب ولازم اصفيه..... 
عزوز..... 
استهدي بالله بس ياعربي..... 
متوديش نفسك في حديد.... 
هو يعني علوان عيعترفلك انه هو اللي عمل العمله دي.... 
يرد العربي بعصبيه.... 
هو علوان.... هو مفيش غيره.... 
ومين يستجري يعمل العمله دي الا هو.... 
عاوز يخلص مني... عشان واقفله فيها.... 
يرد عزوز... 
ياسيدي هو علوان.... مقولناش حاجه.... 
لو روحتلو دلقيت... عينكر.... 
وانت دمك هيفور وهتقتله... وهتلف حوالين رقبتك حبل المشنقه وتروح بلاش ياواد عمي.... 
يرد العربي.... 
يعني عاوزني ابقي عارف ان الكلب ده عاوز ېقتلني واسكوت.... 
يرد عزوز.... 
لااااه... معتسكتشي.... 
زى ما علوان بيلعب لعبته كه الديابه لا حس ولا خبر.... 
احنا كمان هنلعبو امعاه كه الديابه... 
ونوقعو في شړ اعماله..... 
العربي يهدي شويه ويرد..... 
كيف.... كيف ده ياعزوز..... 
يرد عزوز.... 
الله يفتح علييييييك.... 
قولتلي كيف..... 
صلي علي حبيبك النبي..... 
يرد العربي.... 
اللهم صلي عليك يانبي..... 
............. 
.................. 
......................... 
المشهد... نقطة بهتون.... 
الضابط عصام بيسال
الصول نفادي.... 
مفيش اخبار عن العربي ده يا نفادى..... 
يرد نفادي.... 
لاه ياسعادة البيه.... مفيش.... 
يرد عصام.... 
ازاي مفيش.... 
الارض انشقت وبلعته يعني.... 
هيكون راح فين.... 
مهو لو مظهرشي.... يبقي هو ده اللي اڼضرب.... واللي ضربه خفي جثته........ 
يرد نفادي.... 
هنعرفو يابيه.... هنعرفو.... 
يرد عصام.... 
انا سبق وقولتها.... 
انا مش مرتاح للي اسمه علوان ده.... 
شكله عارف حاجه احنا مش عارفينها... 
تصرفاته وحركاته بتوحي انه بيرتب لحاجه او بيدبر لحاجه.... 
لكن ايه هي..... الله اعلم.... 
يرد نفادي.... 
من الجيهه دى ياعصام بيه عنديك حق.... 
علوان ده.... موش سهل واصل.... 
اسالني اني عنيه يابيه.... 
يرد عصام.... 
حيث كده بقي عاوزك تراقب اللي اسمه علوان ده.... 
بيروح فين... بييجي منين... 
بيقعد مع مين.... وبيقول ايه.... 
يرد نفادي.... 
سهله دي يابيه... 
اطمن واحط في بطنك بطيخه صيفي.... وجبلك قراره.... 
يرد عصام.... 
واما نشوف علوان ده هياخدنا لفين..... 
............ 
................... 
مؤلف القصه
حماده فاروق هاشم...
........................... 
المشهد..... اسكندريه.... 
البدري بيتكلم مع المعلم حسني في التليفون.... 
البدري..... 
عفااارم عليك ياحسني 
والعربي كيفه دلقيت 
طيب يا حسني..... طيب... 
سلام انت دلقيت وابقي طمني لو