قلوب مظلمة بقلم سوليية نصار

الله و نعمل الوكيل
_ فيكي
_ حسب الله و نعمل الوكيل
_ فيكي برضو
طلع عندنا و خد هدوم من محمد اخويا و ماما غسلت هدومه و قعد مع بابا
_ يا عمي بصراحة النظام اللي انت عامله دا ميصحش
_ هو فيه واحدة محترمة من بيت محافظ ترجع البيت الساعة 1
_ طب ما انت قولت اهه .. واحدة محترمة هل انا محترمة!
_ و يعني هو دا اللي بيت محافظ
_ طب شوفت
_ خلاص يبنتي .. انزلي معاه
_وقفت ونا بطبل يا ابو غالي يا بلاش واحد غيره مينفعناش
كلهم في صوت واحد يا ابو غالي يا بلاش واحد غيره مينفعناش
حضنت بابا و جريت علي الاوضة لبست بسرعة ونا طايرة من الفرحة و بغني و نزلت مع مازن و ركبنا العربية و اتحركنا

_ ها تحبي نتوه فين المرة دي
_ مكان جديد بقي يا راجل هو كل مرة نتوه في نفس المكان ولا ايه
_ انتي صح
_ ها هتوديني فين
_ هبهرك
_ انا عايزة اتفاجئ!
_ عيوني
_ حب عمري
شغلي اغاني شعبي و قعدنا نرقص في العربية ولا أكننا فاتحين ديكسو متنقل
_وصلنا .. يلا انزلي
نزلت من العربية لقيت مكان كبير كدا زي كافيه بس كان فاضي خالص و مفيهوش غيرنا .. كان في ترابيزة واحدة بس هي اللي عليها شمع و ورد و حواليها بلالين مكتوب عليها اسمي
_ ايه كل دا
_دي اقل حاجة اقدر اقدمهالك ... بقالنا 13 يوم و خمس ساعات مخرجناش مع بعض .. سيبيني احتفل بيكي علي طريقتي بقي
كنت بدمع و اضحك في نفس الوقت من الفرحة عرفت ان هو حاجز المكان دا انهردة يبقي لينا احنا بس .. خدني من ايدي و شد الكرسي و قعدني و طلعلي شنطة هدايا صغيرة و قالي افتحيها
_قولت بذهول مش ممكن .. انت عرفت منين!
_ قلبت عليها مكاتب مصر كلها
_ في قلبي انثي عبرية .. انت عارف انا كنت بدور عليها قد ايه
_ عارف .. عشان كدا حلفت اني مش هاجي اقابلك غير بيها
_ انا بجد مش عارفة اقول ايه .. يا اخي دا انت جذاب لدرجة العڈاب .. عارف احنا والله ما شوفنا رجالة حلوة قبل كداوالله ما شوفنا
ضحكنا سوا و طلبلي عصير المانجا اللي بحبه و جبلي كريب و شوكلاتة و اكتشفت انه عاملي برواز حاطط فيه صورتي و مكتوب فوقيه سأظل أحبك دائما كأول مرة .. بعديها اشتغلت اغنية كل حياتي اللي بحبها و رقصنا سوا سولو مع بعض .. و جينا عند حتة تصحي فيا انا الاحساس علي جناح الخيال اطير راح شايلني و لف بيا و هو بيقولي بحبك .. حاسة اني لقيت الجنة معاه .. الدنيا ادتني هدية .. احلي هدية في حياتي .. مازن
_ انا بجد مش عارفة اقولك ايه .. انا حقيقي لساني عاجز عن الكلام
_رد و هو بيبوس ايدي انا مش عايزك تقولي حاجة .. كل اللي عايزه انك تبقي مبسوطة و نتجوز و الف شكر
_ قسما بالله ما هتجوز حد غيرك شوف لو هشحت كدا مش هتجوز الا انت
_ خلي ابوكي كدا يفكر يجوزك لحد غيري ونا اۏلع فيكم كلكم ... لامؤخذة يعني
_ سيد عيب متقولش كدا احنا اهل
_ يلا نمشي
_ هنروح فين ما تخلينا
_ في مكان تاني لازم تشوفيه الاول
_ مكان ايه
_هتعرفي كمان شوية .. يلا اركبي
ركبنا العربية و بدأ يتحرك لحد