رواية كاملة بقلم دعاء احمد
في فرصه له و حور هتعدي بسهوله
و قلبها هيستحمل اللي جاي
اللي جاي بدايه المشي على خط الڼار قلوب هتتلوي من الحب و قلوب هتتغير وتقسي والبادي اظلم
نوح خلص كلام مع والدته و قفل الاب توب دخل اوضه حور كانت نايمه بعمق فضل واقف كتير يبصلها وساكت دخل وقفل الباب وراه
قعد جانبها و بيحط ايديه على دماغها يحس حرارتها لكن كانت كويسه كان ساكت هو بيفكر لما تعرف الحقيقه هتعمل اي....
بسرعه شال ايديه من على وشها و خرج من الاوضه و هو بياخد نفس عميق
دخل اوضه تانيه و هو بيحاول ميفكرش كتير نام بصعوبه بعد تفكير طويل بدون فايده
حور صحيت و هي مبتسمه كعادتها دخلت اخدت شاور و طلعت كانت واقفه في البلكونه و هي بتنشف شعرها لكن صړخت بصوت عالي وسعاده وهي بتصقف بيديها بطفوليه
حور بسعاده نوووح نوح
نوح قام مڤزوع بسبب صوتها
في اي
حور بابتسامه وسعاده اول يوم لنزول التلج في فرنسا تعالي معايا بسرعه
مسبتلوش فرصه وهي بتشد ايديه و بتاخده بسرعه على اوضتها
نوح بالرغم انه حس ان الموضوع تافه لكن هي كانت فرحانه و ابتسامتها جميله اوي
نوح اي رايك نروح منتجع التزلج بليل
حور بابتسامه واسعه بجد
نوح هز راسه بأه و هي كانت مبسوطه جدا لدرجه ونسيت توترها بجد شكر دي احلى سفريه
نوح كانت ايديه في الهوا مش عارف ولا لاء لكن قرر انه يبعدها
نوح ااامم فال ديزير اعتقد انه افضل مكان تشوفي فيه التلج
حور اوكي ثواني هحضرلك الفطار
نوح لا لا انا عايز انام... نمت امبارح متأخر موريش شغل النهارده هنام
حور بحزن اوكي و انا هكتشف اامكان
خرجت من الاوضه وهو فضل واقف لحد ما لمح شنطتها مفتوحه و في اجنده موجوده
اخدها و فتح اول صفحه كان فيها صوره ليها مع امها كانت شبهه جدا
نوح بفضول دي مذكرتك
حور اه بس فيها حاجات خاصه و كمان مش تخصني لوحدي في حاجات خاصه بسلمي عشان كدا مينفعش تشوفها
قالتها و هي بتقفل المذكره پخوف انه يشوف صوره اللي موجوده و كمان الكلام اللي حور كتبه فيها دست المذكره بين هدومها و قفلت الشنطه بسرعه
نوح ااامم بصى اعملي لي فنجان قهوه مش هنام
حور حاضر بس لازم تفطر الأول
بعد شويه كانت جهزت فطار خفيف و جهزت القهوه
نوح كان اخد دش و طلع وهو بينشف شعره
حور وهي مديله ضهرها الجو برد هجيبلك تيشرت
قالتها وهي بتجري على اوضته
اول ما دخلت حطت ايديها على قلبها كان بيدق بسرعه جدا بتاخد نفس عميق و بتاخد تيشرت من دولابها وبتخرج
حور احم اتفضل
نوح بابتسامه خبيثه شكرا انا مرتاح كدا و مش محتاجه و بعدين دي شقتي اقعد فيها برحتي
حور بخجل مفرط تمام انت ماليش نفس هدخل اعمل كم
نوح حور اقعدي افطري يا حببتي
حور بصتله پصدمه و هي بتحاول تستوعب ان بيتكلم معها هي لكن فاقت من شرودها على صوته الرجولي
حور....
حور بتوتر وصوت واطي بتحاول تتحكم في دقات قلبها القويه ايوه....
نوح بابتسامة اقعد افطري
حور حاضر
بعد مده
كانت بتغسل الأطباق لحد شهقت بړعب و هو يشيلها بيقعدها على رخامه المطبخ
نوح ممكن تبطلي تتعبي نفسك
حور بتعجب من طريقته اتعب نفسي دول طبقين و انا مش بحب اسيب حاجه مش نضيفه
نوح وهو بيمسك الطبق و انا موجود متقلقيش
وقف و بيغسل الاطباق
نوح قوليلي صح هو والدك عملك توكيل او حاجه
حور برفعه حاجب توكيل توكيل اي مفيش حاجه من دي و بعدين انا مش محتاجه حاجه. من دي ربنا يديله الصحه و يفضل هو بخير يارب
نوح يارب.... حور انتي نفسك في اي
حور ااامم نفسي اسس مستشفى مجهزه بكل الاجهزه الطبيه في الغربيه و اكون مسئوله عن قسم جراحه الأطفال انا تخصص جراجة قلوب
نفسي كل الأطفال يكونوا بخير يلعبوا و يجروا ويعيشوا سنهم
تعرف لما جالي السكر اتحرمت من حاجات كتير كنت بحبها و قتها مكنتش اتخصصت لسه في الكليه لكن عرفت اني لازم ادخل التخصص دا لان الأطفال من حقهم يعيشوا و يضحكوا ويلعبوا
نفسي اعمل في المستشفي كل حاجه رفاهيه ليهم عشان فتره العلاج تعدي بسرعه و ميحسوش بالياس...... نفسي اشوف بابا دايما يكون فخور بيا و موطيش راسه..... نفسي اعيش
نوح كان بيبصلها وهو مبتسم لان أحلامها جميله زيها قرب منها بدون وعي ووو حس باستجابه خجوله منها
لكنه بعد بسرعه و خرج من الشقه
حور غمضت عنيها و جريت
