إمامي ومنقذي بقلم اية محمد

أنا شوفت الموضوع ضايقك أوي ف قولت اعمل حاجه بما أني واخد أجازة النهارده..
حبيبة بس أنا تعبانه يا حمزة مش قادره..
حمزة أنتي مش هتعملي حاجه إحنا هنروح جنينه نقعد شوية..
حبيبة لا خلاص طالما كدا كدا خرجنا يبقي نلف شوية...
حمزة هنروح الغورية نلف شوية و تشتري قماش لو حابه ونلف في المعز و نطلع علي جنينة الأزهر وهناك بقي عاملك مفاجأه..

حبيبة ربنا يستر طيب يلا بينا..
بعد نص ساعه حمزة وصل الغورية مكان في القاهره فيه مساجد ومباني قديمه ومشهور بالقماش اللي فيه كانت أول زيارة لحبيبة للمكان وأنبهرت بيها أتجولت مع حمزة في شوارع الغورية الضيقة وصلوا في المسجد وأشترت أقمشه كتير ليها ولنورا وحبيبة..
كملوا لف في شارع المعز وحمزة أشتري ليها سلسله محفور عليها إسمها..
مسك موبايله ولفه إيده علي كتفها وأتصوروا صورة للذكري..
حمزة أنتي بصالي في الصورة ليه كدا...
حبيبة أنت إزاي تحط إيدك عليا كدا!!
حمزة كدا إزاي! إحنا كنا بنتصور..
حبيبة أيوا مش لازم تحط إيدك عليا عشان نتصور
حمزة أنتي عبيطه يا بنتي أنتي مراتي بطلي عبط أكيد مش هتزعلي مني عشان كدا..
حبيية طيب انت هتأكلني ولا لا
حمزة هأكلك حاضر يلا علي الجنينه..
ركبوا العربية وبعد عشر دقايق كانوا في جنينة الأزهر المكان كان واسع وجميل ومليان خضره وزرع قعدت حبيبة وسندت ضهرها علي شجره وحمزة قدامها..
حبيبة بتعب هاتلي أكل بقي يا حمزة أنا جوعت..
حمزة بضحك شكلك عامل زي العيال الصغيره بجد أصبري الأكل جاي في الطريق..
حبيبة مين اللي جايبه!
حمزة هتعرفي..
بعد عشر دقايق حمزة راح لباب الجنينة وأخد الأكل ورجع ليها تاني وحط مفرش علي الارض وعليه الأكل... 
حبيبة سحبت الكيس وفتحته بسرعه..
حبيية الريحه دي أنا عارفاها كويس أوي الله فسيخ بجد...
حمزة بضحك خدي و ورد كمان مش حارمك من حاجه...
حبيبة بضحك طب بس أبعده عن الفسيخ ليحصله حاجه أنت عملت ايه
حمزة بضحك أنا جيبته وخليت نورهان ظبطته وعلي هو اللي جابه...
حبيبة لازم نشكرهم بجد طيب هات العيش يلا واللمون والبصل..
حمزة حاضر حاضر أصبري دا الجنينه كلها هتطفش مننا دلوقتي..
حبيبة بضحك إحنا قاعدين في زاوية بعيده ان شاء الله منضربش السياحه...
حمزة الله جميل دوقي كدا..
حبيبة أنا هدوق أهوه..
حمزة يا ستي كلي من إيديا والله غاسلها..
حبيبة بضحك مصدقاك..
بعد ربع ساعه متواصله أكل..
حبيبة ااه مش قادرة تاني بجد..
حمزة بالهنا والشفا..
حبيبة شفا إيه دا أنت هتطلع بيا علي المستشفي دلوقتي تحطولي سرير جمب بابا..
حمزة بضحك يا ستي ألف سلامه عليكي قومي تعالي نغسل إيدينا يلا عشان الجو هيضلم خلينا نروح بقي..
حبيبة أغسل إيديا إيه دا أنا محتاجه اتنقع في ماية بكلور..
حمزة بضحك ماشي لما نروح إبقي خدي شاور..
حبيبة طب قوم شدني وحياة أبوك أنا مش قادره..
حمزة وقف وشد حبيبة
وأتجهوا لحمام الجنينه وغسلوا إيديهم وأتوضوا وصلو المغرب بعد كدا رجعوا البيت وهما تعبانين ومبسوطين..
حبيبة أنا هدخل أخد شاور..
حمزة لا إستني بالله عليكي هدخل أنا الأول..
حبيبة لا والله ما تحصل أنا اللي قايله الأول..
حمزة يا بنتي علي ما تخلصي أكون جهزت شنطتي أنا ماشي كمان ساعتين...
حبيبة يووووه بقي..
إبراهيم ايه ايه بتتخانقوا علي إيه!!
حبيبة أنا اللي قولت الأول هدخل أخد شاور ولا هو مجتمع ذكوري متعفن..
حمزة هو أنتي حافظة الجمله وخلاص!!
حبيبة بقولك إيه باللي يلحق تمام...
جريت حبيبة علي أوضتها تاخد هدومها و حمزة جري علي أوضته اخد فوطه ورجع للحمام بسرعه..
حبيبة پغضب دا غش والله..
حمزة لا طبعا دي منافسه شريفه مش هتأخر بجد..
قعدت حبيبة في الصاله ماسكه هدومها وبتهز رجليها بضيق لحد ما حمزة خلص و وقف ورا الباب..
حمزة ما تجيبيلي تيشرت من الدولاب..
حبيبة بضحك أنت مكسوف!!
حمزة لا لا أنا خاېف أخدش حياءك بس..
حبيبة بضحك طيب هدخل الأوضه وأنت أخرج..
دخلت حبيبة أوضتها وحمزة خرج لأوضته وبعدين دخلت أخدت شاور... 
سرحت شعرها وبعدين لقت موبايلها بيرن وكان عمها...
حبيبة بتوتر أيوا يا عمي..
سامح ايوا يا بنتي أنا قدامي نص ساعه وأبقي عندكم..
حبيبة بحزن ماشي يا عمي مستنياك..
حبيية قعدت علي سريرها بحزن وبعد خمس دقايق قامت وفتحت شنطتها الكبيرة وحطت كل هدومها فيها خرجت بيها لبرا... 
خبطت علي أوضة حمزة ودخلت بعد ما قالها...
حمزة أول مره تدخلي أوضتي..
حبيبة قربت منه بهدوء لحد ما بقت قدامه بتردد كبير مسكت إيده..
حبيبة شكرا علي اليوم وشكرا علي كل حاجه شكرا أنك قبلت تتجوزني عشان تديني حق بقاء في البيت دا بس أنا بقي عرفتك و كمان أرتاحتلك وبتمنالك الخير بتمنالك تاخد اللي أنت كنت بتحلم بيها مش اللي أنت أتدبست فيها أنا عاوزة أحررك من المسئولية اللي أنت وعدت والدك بيها..
حمزة إيه يا حبيبه اللي حصل!!
بعدت عنه وبصتله وملامحها هادية..
حبيبة طلقني يا حمزة...
ويتبع...
آية_محمد ..
إمامي_و_منقذي البارت الأخير
حبيبة طلقني يا حمزة...
حمزة بهدوء يعني أنتي مش عاوزه تكملي معايا
حبيبة أيوا..
حمزة مش هقولك حب خالص بس عاوز أعرف مفيش أعجاب أو تعلق بيا أنا عارف أن المشاعر مش بإيدينا يا حبيبة...
حبيبة بلاش كلام الروايات دا إحنا في أرض الواقع يا حمزة مش هحبك من أول نظره أنا...
حمزة مش دي النقطه اللي بتكلم فيها يا حبيبة مفيش نقطه في صالحي تخليكي تبدأي!!
حبيبة أنت بتعمل كدا ليه يا حمزة!! أنا مجبوره بس أنت إيه يجبرك!! 
إقلع ثوب الفضيله دا بقي يا حمزة أنت مبتحبنيش أنا مش عارفه أنت متمسك بيا ليه!!!
حمزة عشان دا جواز مش لعب عيال أنتي متخيله أننا لو أطلقنا هتبقي مطلقه مرتين!! 
لكن ما علينا أنا نفذت كلام بابا وأنا مش مجبور علفكرا هو فعلا مأجبرنيش بس أنا يومها وأنا بصلي الفجر من قبل ما حتي بابا يقولي دعيت قولت يا رب زوجة صالحه علفكرا كانت اول مره أدعي الدعوة دي بلساني.. 
أنا حسيتها أنتي...
حبيبة بضحك زوجة صالحه!! أنا
حمزة وليه متكونيش كدا!!
حبيبة بضحك اللي قبلك مطلقن....
حمزة أنا ميهمنيش اللي قبلي.. بعدين الحقيقه ظهرت ليه محسساني انك شيطان وأني ملاك أنا مشيت ورا قلبي وان..
حبيبة بمقاطعه لا مبمشيش ورا قلبي وحتي قلبي دلوقتي بيقولي أني لازم أمشي..
حمزة لازم ليه! بصي يا حبيبة إعملي اللي تحبيه بس أنا مش هطلق..
حبيبة هو أنت مش عاوز تبقي مطلق وخلاص!!
حمزة يعني هو دا اللي فهمتيه من كلامي! يا ستي إيه المانع تدي لنفسك و للجوازة فرصه أنتي محاولتيش علفكرا أنا مجرد بحاول وقولت لو حسينا أنه مش هينفع نبقي نفكر في الإنفصال!
جرس الباب رن حبيبة بصت لحمزة وإبتسمت بخفوت وحاولت تهدي في كلامها..
حبيبة صدقني يا حمزة مش هينفع..
خرجت حبيبة و قابلت عمها والكل مستغرب اللي بيحصل..
إبراهيم أنا كنت حاسس أنك عاوزة رقمه عشان كدا..
حبيبة معلشي يا عمي إبراهيم أنا كان لازم أقولك ومعلشي بقي لو طريقتي ضايقتك شويتين تلاته..
سامح أنا لو كنت أعرف أنك مش شايله مني مكنتش طلبت من إبراهيم ميقولش إني عمك أنا كنت فاكرك بتكرهينا أنا قولت بلاش أنكد عليكي بس لو كنت أعرف كنت خليت الفرحه إتنين أبوكي أه ضايقنا بقراره وإصراره وبعده عننا بس أنتي ملكيش ذنب بنتنا عندنا يا إبراهيم لحد ما حمزة يجهز شقته ويعملها فرح يليق بيها..
إبراهيم طالما دا طلب حبيبة أنا معنديش مانع أبقي عدي علي أبوكي و كلها شهر بالكتير و هناخدك عروسه إن شاء الله..
حبيبة بخفوت إن شاء الله هدخل أسلم علي نورا..
دخلت حبيبة أوضة نورا وقالتلها زي ما قالت لعمها ولإبراهيم..
نورا يعني بابا قالك شهر! هتوحشيني يا حبيبة بجد..
حبيبة وأنتي هتوحشيني و البنوته القمر دي هتوحشني بحبها من قبل ما تتولد أنا هكون خالتو حبوبه والله..
نورا هتوحشيني بجد بس يلا عشان توحشي حمزة كمان..
حبيبة اه يلا بقي همشي و طبعا هنتكلم كل يوم..
نورا ماشي يا حبيبه خلي بالك من نفسك..
حبيبة أنتي اللي خلي بالك من نفسك و أرتاحي زي ما الدكتورة قالت..
نورا حاضر..
خرجت حبيبة لقت حمزة قاعد مع عمها بيتكلم معاه بصلها وبعدين وقف ..
حمزة بعد أذنكم ثانيه واحده..
حمزة مسك إيديها و سحبها لأوضته..
حمزة أنا هعتبر الكلام اللي أنتي قولتيه متقالش وهعتبر كلام عمك هو الحقيقه قدامك شهر تدي نفسك فيه فرصه حقيقية قولتيلي قبل كدا أني شخص كويس وأن أهلي ناس كويسين وأنك عمرك ما لاقيتي حد كويس حواليكي ليه متديش نفسك فرصه!!
حبيبة أنا مش فاهمه أنت ليه اللي عاوز تضغط علي نفسك وتكمل إذا كان أنا المجبوره و بشوف حل وأنت اللي ليك الحريه عادي..
حمزة مهو عشان أنتي بترفضي لمجرد أنك مجبوره هو أنا هفضل أقنع فيكي لحد إمتي!!
حبيبة عشان أنا بتكلم بالمنطق...
حمزة ماشي يا حبيبة هطلقك بس مش دلوقتي.. نعدي الشهر الكريم علي خير الأول كل سنه وأنتي طيبه..
خرج حمزة من الأوضة وأخد شنطتها وحطها في التاكسي اللي عمها جاي بيه نزلت حبيبة ورا عمها و بصت لحمزة بإبتسامه...
حبيبة دا الصح والله مع الوقت هتعرف أنا والله عاوزاك تاخد اللي شبهك وهتسعدك أنا اللي خسرانه علفكرا...
حمزة إمشي يا حبيبة.. إمشي..
حمزة سابها وطلع للشقة وأخد شنطته وراح لشغله وحبيبة وصلت للقرية اللي فيها بيت أهلها وأتعرفت علي أسرته...
سامح أنتي هتقعدي في أوضة سلمي بنتي هي متجوزة... أهو محمد أبني نزل أهوه ودي داليا مراته قاعدين في الشقه اللي فوقنا...
حبيبة أتشرفت بيكم وفين بقي بنت عمي عاوزة أشوفها...
سامح هتيجي من الكلية علي هنا أصلها لسه بتدرس في أخر سنه بس اتجوزت من خمس شهور..
داليا أنا روقتلك الأوضة أخر تمام شغل عالي يعني..
حبيبة تسلم إيدك يا داليا..
سامح دخل الشنطه أوضة أختك يا محمد..
محمد حاضر... هناكل ولا إيه!!
سامح أمك فين صحيح!!
عبير أنا هنا أهوه هنا أهوه معلشي كنت بسخن العيش وخۏفت يتحرق يا أختي ما شاء
الله عليكي إنتي حبيبه!!
حبيبة أيوا أنا..
عبير ما شاء الله عليكي والله فيكي شبه من سلمي بنتي.. عملالك شوية أكل هتاكلي صوابعك وراهم يلا غيري هدومك وتعالي بسرعه..
حبيبة حاضر..
سامح دي عاوزة فطيركانت بتقولي كدا وإحنا في الطريق..
حبيبة بإحراج كدا تسوحني..
عبير بضحك مكسوفه ولا إيه هعملك بكرا فطير واللي نفسك فيه قوليلي عليه.. بس إعملي حسابك تزيدي عشره كيلو ولا حاجه إحنا داخلين علي رمضان و حلويات رمضان والحاجات دي من إيدي زي السكر..
حبيبة لا أنا بضعف قدام الأكل..
داليا عندنا فرح ولازم نحافظ ايه يا ماما هتخلي العروسه تتخن..
عبير وإيه يعني ما تتخن وتزيد حلاوة وجمال إسكتي أنتي يا معضمه..
محمد إيه يا ماما ما تصلي علي النبي..
عبير خاېف منها ولا إيه هتنكد عليك يعني!!
دي حبيبتي دي مش براحتي ولا إيه!!
داليا بضحك براحتك يا ماما.. بس أنا مبقيتش معضمه
البركه فيكي وفي أكلك بقي..
حبيبة بضحك
هو أنتوا مش المفروض تمسكوا في شعور بعض وتتكيلها علي السين بقي والحوارات دي..
عبير بضحك لا معنديش أنا كلهم ولادي و أنتي زيهم..
حبيبة لا أنا كدا إتطمنت..
عبير يلا بقي أدخلي غيري لبسك و أنتي يا داليا يلا نجهز الأكل...
دخلت حبيبة للأوضة وغيرت هدومها مسكت موبايلها ولقت رساله من حمزة...
حمزة يا ريت تاخدي بالك من لبسك قدام إبن عمك...
حبيبة شافت الرسالة ومردتش عليه وقفت قدام المراية وبصت لنفسها أتغيرت بالفعل كانت لابسه لبس محتشم عشان إبن عمها موجود.. 
إفتكرت لما لبست الطرحه علي بيجامه نص كم قدام حمزة.. 
لبست طرحتها وسابت الموبايل وخرجت من الأوضة.. سفرة الغداء كانت مليانه بالخير وحبيبة أتبسطت باللمه الحلوة وسط عيلتها وفعلا كان فيها شبه من سلمي أتعرفت عليهم وعلي إبن محمد الصغير اللي شبه أبوه بالظبط... 
أتصلت بممرضه في المستشفي وكلمتها فيديو تشوف فيه أبوها و بعدين قعدت بهدوء تشرب الشاي و عبير كانت قاعده بتكسر بلح رمضان..
حبيبة رمضان السنادي رجع بدري أوي..
عبير السنين بتعدي بسرعه يا بنتي فما بالك الأيام والشهور.. 
رمضان هنا حاجه تانيه وهتحبيه أوي بكرا هتروحي مع داليا تشتروا لبس العيد قبل الزحمة..
سامح هديها بكرا فلوس هاتوا اللي عاوزينه بس خدوا زين معاكوا..
عبير لا زين بيروح مع ابوه هو يشتريله..
سامح مهو ابوه بياخدني معاه والواد بيفرهدنا..
زين هو أنا مث أبنكم يا جدو ولا إيه!!
سامح مث!! ما تسترجل ياض كدا..
محمد ايه يا بابا دا لسه عنده 3 سنين براحه عليه..
سامح دا عنده تلات سنين دا دا راجل مسخوط أنت ملبوس!!
زين لا انا مش لبوس..
سامح بضحك خد أبنك دا من هنا..
محمد تعالا يا حبيبي هنا واقعد ساكت..
زين بهمس بابا هو جدو بياخد لبوس!.
سامح قوم خد إبنك من هنا وغوروا..
محمد بضحك حاضر وأنت أسكت بقي هتخليه يضربنا...
زين يلا نجيبه لجدو...
سامح يلا إبن الك من هنا..
محمد أحم متشكر أوي يا حاج..
خرج محمد ومعاه زين من الشقه و داليا وحبيبة وعبير ميتين من الضحك..
سامح أنتي السبب!!