الأشباح خطفت زوجتي

افتح معرفتش كأن فيه حد ماسكه من برا رجعت الاوضة اللي كنت فيها وقفلت الباب علي نفسي وبدأت ارن علي مرات اخويا برضوا محدش بيرد حتي جوزي.. قعدت وقررت اسجل اللي حصل ده عشان لو فيه حاجة حصلتلي فالمكان ده ودلوقتي الشقة بتولع من ساعة تقريبا الا حاجات بسيطة من غير اي سبب معرفتش اساعدهم ومش عارفة البنت الرابعة راحت فين زي ما تكون اختفت انا مش عارفة استوعب اللي بيحصل ده التليفون رن تاني من شوية ولقيته جوزي ورديت عليه وقولتله علي مكاني ومستنياه ييجي انا حاليا بتخنق من ريحة الدخان الحمدلله الڼار مش واصلة للاوضة اوي بس اتمني يوصلوا قبل ما يحصل حاجة انا قومت دلوقتي بعد ما سمعت حد بينده من الشباك اللي ورايا زي ما يكون صوت البنت دي بس ملاقيتش حد الصوت رجع تاني اهو ..

و دي كانت آخر حاجة قالتها فالفويس الحقيقة اټصدمت ورجعت العمارة تاني ودورت عالبواب لاقيته بيقولي بلهجته الصعيدي انت تاني نعم يا استاذ حد تايه منك تاني ولا ايه قولتله ايه حكاية العمارة دي قالي لا حكاية ولا راوية انا جتتي مش خالصة ابعدني عن المواضيع دي الله يخليك طلعت من جيبي فلوس واديتله خدها وقالي العمارة دي الله
يكفينا الشړ بيقولوا فيها شقة مسكونة
ومليانة ارواح اللهم اكفينا الشړ الارواح بتطلع تستدرج اي حد من الشارع تجيبه وتموته فيها
قلتله ايه حكاية الاربع بنات دول !!
الراجل اتخطف انت عرفت ازاي بحكاية الاربع بنات دي لا الله يخليك يا استاذ انا عندي عيال عايز اربيهم خد فلوسك اهيه انا مش ناقص دا بيقولوا اللي بيجيب سيرتهم بيعفرتوه !
قلتله جاوبني الله يخليك
قالي يا استاذ يا استاذ الحكاية وما فيها ان الشقة دي كان ساكن فيها بنات مش تمام وولعوا وماتوا فيها ماعدا واحدة محدش يعرف راحت فين !..
قلت قصدك ايه يعني ممكن تكون عايشة !
قال الله اعلم بجي محدش يعرف بس اللي اعرفه ان اللي ماتوا ارواحهم بتطلع تلم الناس من الشوارع فيه اللي مبيروحش معاهم دا مبيتأذيش وفيه اللي بيطلع معاهم الشقة وده مبيسلمش من اذاهم وليهم اكتر من طريقة يطلعوك بيها الشقة اللهم احفظنا كفاية بجي يا استاذ مكانتش عشرين جنيه دي..!
سيبت البواب ومشيت ولسه مكملتش خطوتين في نفس الشارع لقيت ست ماشية ورايا بتقولي انت بتسأل مراتك ماټت ليه هتستفاد ايه لما تعرف ما خلاص الله يرحمها يا استاذ ادعيلها بالرحمة بدل ما تدور فالكلام ده تاني احنا مش ناقصين كفاية البلاوي اللي عندنا فالشارع 
فقولتلها انتي مين !
قالتلي انا ساكنة هنا فالشارع بس مرضيتش اقف معاك انت والبواب عشان هو مش بيطيقني ولا بيطيق سيرتي ما انا ساكنة في نفس العمارة اللي هو فيها بواب الندامة هاموت واعزل من اللي بيحصل ده سواء البواب ولا اللبش اللي فالشارع بس نعمل ما بيد حيلة جوزي راجل علي الله دي حكاية البنات دي ټرعب
قلتلها انتي تعرفي ايه حكايتهم بالظبط!!
قالت هو حد ميعرفهاش 
و حكيتلي نفس اللي قاله البواب
سألتها نفس السؤال تعرفي حاجة عن البنت الرابعة عايشة ولا لا 
ردت بثقة قالتلي طبعا عايشة انا اعرفها شخصيا 
قولتلها بجد بتتكلمي جد !!! اقابلها ازاي
قالتلي بتيجي تزورني احيانا اصل احنا كنا جيران كويسين مع بعض حظك هتيجي تزورني النهاردة عالساعة 12
و بعدين قالتلي افوتك بعافية بقي عشان رايحة اجيب طلبات للبيت ومشيت
ببص ورايا