جراح لا تنسى بقلم اماني السيد
هاله اخدت تليفون مؤمن لانى لما كنت بحتاج حاجه منت بكلمه من خلالها وهو لما بيطمن عليا بيكلمها
منتهى طيب مش المفروض ان فى متعلقات شخصية بتستلمها وانت خارجه
زهران هاله جبتهالى وسلمتهالى كان الطقم اللى كنت لابسه واتقطع مېت حته وهما بيسعفونى وشويه دراهم فى جيبى مايكملوش ١٠٠ درهم أصلا
منتهى طيب بطاقتك وباسبورك فين انت دايما بتحط بطاقتك فى المحفظة فى جيبك
منتهى طيب وعملت ايه بعد كده
زهران فضلت قاعد فتره عند مؤمن مش بعمل اى حاجه في الدنيا وهاله بتيجى تدينى الادويه وبقت تهتم باكلى والموضوع طول وانا نفسيا اكتئبت كنت لا بدخل ولا بخرج ولا فاكر انا مين ولا اهلى مين شعور مقيت جدا
فضلت شهرين قاعد عند مؤمن فى البيت مش بتعامل مع اى حد غير مؤمن وهاله دخلت في حالة اكتئاب حاد بلعت شريط المهدئات مره واحده لكن كان معاد هاله اللى بتيجى فيه فطلبت الاسعاف ولحقتنى
وفعلا لقتنى اقترحت اننا نتعامل فى قطع غيار السيارات بقينا نستورد قطع غيار ونصدر قطع غيار تانيه لدول تانيه وفى للوقت ده كا حاجه كانت بإسم مؤمن
منتهى طيب جبت عرفات منين وايه اللى جوزك هاله
وهاله كان لازم يكون ليها وجود رسمى فى حياتى دخولها وخروجها مكنش لطيف انها تدخل
وفعلا اتجوزنا وكنت بطلع همى فى الشغل انتى متخيله انى بهرب من الاكتئاب والتفكير الكتير اللى كان هيوصلنى لمرحله الادمان بسبب المهدئات اللى باخدها فى التفكير في الشغل
بعدها الشركه الصغيرة كبرت وبقى ليها افرع وخلفت حبيبه بس كل ده بعقلى عبارة عن آله ومكنش ينفع بعد اللى مؤمن عمله معايا اطلعه من المولد بلا حمص لا انا خليته شريك معايا وخليت امضته زى امضتى عشان لو حصل اى حاجه في المستقبل اقدر احافظ على فلوسى ويكون فى طريقه غيرى اتحكم فيها من خلال مؤمن وهو وافق ودخلته بنسبه ٣٠
بعدها اقترحت على مؤمن انى افتح فرع في مصر عشان لو ليه اهل فى مصر يقدروا هما يوصلولى من خلال صورى
وفعلا كلمت جميع صفحات السوشيال ميديا الكبيرة وعملت لقاءات صحفيه فى التلفزيون عشان لو حد من اهلى شافنى يوصلنى وكنت حريص جدا انى اواظب على العلاج بس للاسف مش قادر افتكر اى حاجه لحد مانتى ظهرتى بقيت احس معاكى مشاعر بدغدغ جوايا عايز قربك عايزك جمبى
بقربك منى يا منتهى عقلى بيوقف
مره واحده منتهى بعدت عنه وقلبت وشها
باماره مكنت عايز تتجوزنى عرفى صح بقى دى اخرتها تفكر فيا كده ومعلش وانت بتطلب منى
طلب زى ده كنت متخيل انى ممكن اوافق اتجوزك عرفى
زهران لأ كنت عارف ومتأكد انك مش هتعملى كده
منتهى بتعمل ايه
زهران مانتى طلعتى مراتى رسمى فهمى نظمى اهو
منتهى بعدت عنه ده بعينك يا حبيبي بعينك
زهران يعنى ايه بقى الكلام ده
منتهى بص يا زهران عشان ابقى صريحة انا مش عارفه اخد م قف منمك او اكمل معاك وانا عارفه ان اللى بتعمله معايا بتعمله مع غيرى مش قادره
زهران منتهى انا لو فاكرك اكيد عمرى ما كنت هتجوز عليكى ولا هفكر فى كده بس انا دلوقتي مقدرش اطلق هاله او اجى عليها خصوصا انى بنت بينا
منتهى يبقى تطلقنى انا يا زهران
زهران ايه الكلام ده لا طبعا مستحيل سامعه مستحيل
منتهى وانا اسفه مش هقدر اعيش معاك وانت متجوز واحده عليا افهمنى مش هقدر مش هتقبل الفكره انك تبقى معاها وتانى يوم معايا
زهران انتى كده بتلوى دراعى يا منتهى بس انا مابيتلويش دراعى هاله وقفت جمبى فى وقت انا مكنش حد معايا انقذتنى من مۏت مؤكد
منتهى ويا ترى بقى عملت ده كله ليه لله وللوطن مثلا
زهران انا مشفتش منها حاجه وحشه عشان اطلقها سابت اهلها وجت عاشت معايا ووقفت جمبى كتير
منتهى وحبيتها صح حبيتها يا زهران عرفات حب هاله
زهران مراتى يا منتهى مراتى اكرهها ليه وهى ماذاتنيش
وبعدين انا مايتلويش دراعى وهتيجى تعيشى معايا فى الفيلا انتى وابنك
منتهى وهتعيشنا معاك بقى يا عرفات بيه بانى صفه
عرفات ده شئ مايخصكيش وامور شغلى ونقل كل حاجه باسم زهران دى انا هعرف اعملها وهعملها بسهوله أوى كمان
ولو مجتيش بمزاجك هجيبك فى بيت الطاعه ولا خلاص بعدى عنك هيخليكى نا شذ
منتهى پصدمه انا تقولى كده ده جزاتى الكل كان بيقولى انك مت وانى اتجوز واعيش حياتى وانك خلاص لو كنت حتى عايش وعايز ترجع كنت رجعت ولو قلقانه انى اتجوز وانت عايش اطلقك غيابى وكنت هاخد حكم من اول جلسه حتى ابوك طلب منى كده وقالى حرام
تفضلى متعلقه كده وانا كنت ارفض واقول لأ واعصى كلام امى يبقى دى اخرتها
زهران طيب منا اهو رجعت ووعد مش هفرق بينكم في المعامله ولا هاجى عليكى
منتهى تصدق انك مستفز اوى انا بتكلم معاك ليه اصلا وسابته وخرجت راحت غرفه الاطفالل لأ واعصى كلام امى يبقى دى اخرتها
زهران طيب منا اهو رجعت ووعد مش هفرق بينكم في المعامله ولا هاجى عليكى
منتهى تصدق انك مستفز اوى انا بتكلم معاك ليه اصلا وسابته وخرجت راحت غرفه الاطفال
دخل زهران وراها غرفة الاطفال
زهران يا منتهى احنا بنتكلم دى مش طريقه للتعامل بطلى انانيه
منتهى بصتله بدموع انانيه بعد كل ده انانيه عشان عايزاك ترجعلى ابقى انانيه
زهران انا كمان عايزك عايز ارجعلك والله
عايزك وقلبى مايل ليكى بس اطلق هاله ليه هى معملتش فيا حاجه وحشه ليه اطلقها واتخلى عنها هى وبنتى انا مش خاېن ولا قليل الاصل عشان بعد مافضلت معايا ٤ سنين ابعها صعب عليا يا منتهى افهمينى صعب والله بلاش تحطينى بين نارين ارجوكى
سابها وراح قعد على السرير قدامها وحط راسه بين ايديه مش عارف يعمل ايه ولسه كمان دور هاله فى المشاكل مش عارف يراضى مين ولا مين
منتهى طيب يا زهران انا هديك اخر فرصه
زهران بلهفة يعنى موافقه تيجى تعيشى معايا
منتهى لأ طبعا اسمع الأول كلامى وشروطى لو موافق عليها يبقى تمام مش موافق يبقى كل واحد من طريق
زهران اتفضلى سمعك
منتهى أولا انا هاجى انا وابنى
اعيش هنا فى البيت ده زى ماكنت زمان عايشه وانت تيجى تقعد هنا معانا
زهران ليه بقى يعنى انا ابقى قاعد في بيت طويل عريض واسيبه واجى هنا طيب لو انا رضيت ابنى زنبه ايه يعيش أقل من اخته
منتهى أولا ابنك قاعد في بيت جميل ونضيف وفرضا لو مكنتش انت ظهرت بوضعك الحالى كان هيفضل عمره كله فيه وكمان هيتجوز فيه
زهران طيب اجبلك فيلا في مكان تانى بعيد عن فيلتى
منتهى لأ هنا انا عايزه اعيش هنا
زهران حاضر يا منتهى حاضر
منتهى ثانيا
زهران هو لسه في ثانيا
منتهى هنفضل عايشين تحت سقف البيت ده زى الاخوات لحظ ماترجعلك الزاكره
زهران لأ طبعا ايه اللى انتى بتقوليه ده ومين هيقبل بكده وليه أصلا
منتهى انت يا حبيبي اللى هتقبل بده لانى مش قادره اتعامل معاك كزهران حبيبي وابو ابنى انا شايفاك عرفات اللى متجوز هاله وعنده بنت هفضل شايفاك كده لحد ماترجعلك الزاكره
زهران افرضى مرجعتش
منتهى مانسبقش الاحداث ثالثا شغلى هفضل فيه زى مانا ده مش هيغير شئ
زهران موافق يا منتهى انا عايزك جمبى مش عشان طمعان فيكى ولا فى ج س مك لا عشان قلبى اللى بيدق كل مايشوفك عشان عايز افضل جمبك
منتهى خلاص كده يبقى اتفقنا
زهران طيب ممكن حضڼ حضڼ صغنن بريق
منتهى انسى لما زهران يرجع تانى
عند هاله اتصلت بامها
هاله الو يا ماما الحقى عرفات عرف اهله
ام هاله عرفهم ازاى مايمكن يكونوا ڼصابين
هاله لأ قالى انا روحت المكان بنفسى غالبا افتكر اعمل ايه
ام هاله ولا حاجه خالص وحاولى تاخدى اهله فى صفك عشان مايخلهوش يقلب عليكى
هاله تفتكرى ممكن يجيب اهله يعيشوا معانا هنا
ام هاله ده مش ممكن يا حبيبتي ده اكيد عشان كده عايزاكى تسحبيهم كلهم فى صفك
هاله لو جاب مراته معاك
ام هاله قدامه وقدام اهله
عمليها احسن معامله ومن وراها وقعى بينهم
هاله افرضى معرفتش امسك غلطه عليها
ام هاله محدش مابيغلطش المهم افضلى انتى الست الاصيله عشان مايفكرش أبدا يسيبك ولو سابك يديكى اللى يعيشك عمرك ملكه
هاله عندك حق
ام هاله اهم حاجه طالما هو اتاكد انهم اهله اوعى تبينى الزعل قدامه مثلى انك فرحتيله انه أخيرا قابل أهله
هاله حاضر يا ماما حاضر
أم هاله بقولك ايه عايزه فلوس خلى جوزك يبعتلى مرتبى بدرى الشهر ده ال١٠٠٠٠ درهم اللى بيبعتهم كل شهر دول مابقوش يعملوا حاجه الدنيا غليت خليه يبحبحها شويه
هاله طيب أقوله ايه
أم هاله اتصرفى ياختى اتصرفى
قفلت هاله معاها
تانى يوم الصبح صحى زهران وصحى منتهى
زهران صباح الخير
منتهى صباح النور عرفت تنام
زهران جدا جدا جدا اول مره انام بعمق كده من غير مافضل افكر كتير واقلق بليل
منتهى بقولك ايه رايك تنزل زى زمان تجيب لينا الفطار
زهران أنا معرفش حاجه هنا
منتهى جرب انزل كده تتمشى وانت هتلاقيك عرفت وانا هقوم اقلى بطاطس وبتنجان وانت هات فول وعجينه طعميه يلا هستناك تحت نفكر كلنا سوا ماشى
زهران ماشى وهاخد التليفون عشان لو تهت تنزلى تحبينى
منتهى مش هتوه ماتقلقش
لبس زهران لبس من لبسه القديم وكان على مقاسه ومنتهى جهزت نفسها ونزلت عند حماها وحماتها
وبدات تحضر الفطار صحى حماها على ريحه الفطار ودخل المطبخ عليها
احمد والله زمان يا نونو قول للزمان ارجع يا زمان
منتهى مش زمان أوى انا بحاول
احمد انا حاسس بيكى وبمشاعرك وعارف ان صعب عليكى الوضع اللى انتى فيه ده بس هسالك سؤال وجوده دلوقتي اصعب ولا لما مكناش نعرف عنه حاجه
منتهى لا طبعا الأول اصعب
احمد انا عارف انك زعلانه يابنتى وانك كنتى متوقعه انك تلاقيه ليكى لواحدك زى الاول بس انا واثق انه حتى لو ناسيكى بعقله واتجوز ١٠ هتفضلى
انتى لواحدك اللى فى قلبه انا لو اللى بطلبه منك ده
