جارتي

افتحي مټخافيش دي انا قولت ل ماما أوعى تفتحي دي مش جارتي ! فضلت تتشاهد وتذكر اسم الله لحد ما الآذان أذن! 
وقتها كل حاجه اختفت حتى صوت التخبيط وقف! والصبح اهلي وصلوا وخدوني على المستشفى الدكتور كشف عليا واتأكد من وجود الچرح اداني البنج وبدأ يخيط! وبعد ماخلص سألهم ايه اللي حصلها ماما قالتله ان وقعت على ضهري في المزرعه فوق أدوات حاده! 
معرفش ليه كدبت ومقالتش الحقيقه! ولما رجعنا دخلتني ارتاح على السرير وقبل
ماتخرج سألتها كدبتي ليه قالتلي كدبت في ايه 
وبعد مااتكلمنا اتضحلي انها مش فاكره أي حاجه من اللي حصلت! وكل الباقي اتمسح ب استيكه! مسكت ايديها وقولتلها تشوفلي شيخ قالتلي حاضر هشوفلك بس ارتاحي الأول! 
وبعد مادخلت المطبخ وسابتني ارتاح شوفت جارتي قدامي وهى بټموت جوزها ! كانت بتضحك وهى بتقتله! كنت متبنجه ومش عارفه اتحرك في اللحظه دي
لحد ماكل ده اختفى كأنه فيلم وخلص! وشوية وسمعت ماما بتكلم حد في الموبايل وبتقوله يبعتلنا شيخ موثوق النهارده! وبعد ماخلصت كلام دخلتلي تطمني ان الشيخ جاي النهارده قلبي ارتاح وقتها وقولت يمكن كل ده حلم! وفي أثناء وصول الشيخ لينا جالنا مكالمه انه عمل حاډثه وماټ مۏته بشعه!
الخبر نزل عليا زي الصاعقه أول ماعرفت ان الشيخ عمل حاډثه وماټ! فضلت أعيط وماما بتهديني! وبعد شويه جالنا خبر انهم لقوا الشيخ مشنوق فوق شجره ومېت مۏته بشعه مش زي ماقالوا انه عمل حاډثه! الشرطه جات في مكان الواقعه وبدأوا يحققوا في الموضوع! 
وانا طول اليوم كانت أعصابي تعبانه جدا وبعد مرور يومين على نفس الحال كانت ماما لسه قاعده معايا لحد ما طلبت منها ترجع بيتها وتشوف حياتها اللي وقفت علشاني! رفضت ولكن انا أصريت!
لحد ما فعلا خدت هدومها ورجعت البيت وانا فضلت قاعده لواحدي اتفقت مع جوزي اننا نغير الشقه وناخد في مكان تاني وافق وجه من السفر وجاب ناس تنقل العفش وفي وسط ما هما بينقلوه لقيت جارتي جايه ب نفسها ومعاها هديه للمره التانيه!
انا بمجرد ماشوفتها جسمي اتلبش وقولت أكيد في مصېبه جايه وراها! والغريب انها كانت بتتكلم بإحترام مش طبيعي على غير العاده رغم ان طبيعتها مش كده خالص! وقالتلي ان انا عندي حق أخاف منها بعد اللي حصل وقربت من ودني وقالتلي هقولك سر بس متقوليش لحد! قولتلها قولي قالتلي انا اللي قټلت الشيخ
بصيت في وشها لقيته متغير دي مش ملامحها! دي ملامح الشيخ وهو مقتول! رجعت بضهري وفضلت أصرخ بقوه لحد ما كل اللي حواليا قربوا مني وسندوني وانا لسه بصوت قولتلهم ان جارتي قدامي! كلهم قالوا مفيش حد طلع! 
وجوزي صمم انه ياخدني ل دكتور نفسي في اعتقاده ان انا بقيت مريضه نفسيا! ولكن رفضت وقولتلهم محتاجه ارتاح! وبعد مانقلنا نص الشقه في العربيه وروحت الشقه الجديده اللي كانت في بلد تانيه أول ماركبوا السرير روحت نايمه عليه 
عيني قفلت 5 دقايق شوفتني وانا في مكان كبير ضلمه كحل! وفي كلاب سوده بتقرب مني وعاملين حواليا
دايره كبيره! كل ماالف الاقيهم حواليا مش سايبنلي أي مخرج! لحد ماجه الدجال من وراهم وفي ايده صليب وكان مبتسملي!وبيقولي اجهزي علشان أمك هتكون في ذمة الله وشاورلي ب ايده وعمل 5! صحيت مخضوضه وحاطه ايدي على قلبي 
فضلت أقول بسم الله واقرأ قرآن! اڼهارت وصعبت عليا نفسي من كل اللي بيحصلي وبعد مرور اسبوع من الأحلام المزعجه والخيالات اللي بشوفها طلبت من